پاکستان خفیہ ادارے آئی ایس آئی نے بلوچستان کے مختلف علاقوں سے جیش العدل کے چھ سو کے قریب شدت پسند جنگجو افغان طالبان کی مدد کےلئے افغانستان روانہ کیا ہے ۔
ان خیالات کا اظہار افغانستان کے خفیہ ادارے این ڈی ایس کے سابق سربراہ رحمت اللہ نبیل نے سوشل میڈیا کے ویب سائٹ ٹویئٹر پہ لکھا ہے کہ طالبان و جیش العدل کے درمیان اختلافات کے باوجود پاکستانی خفیہ ادارے آئی ایس آئی نے طالبان کی مدد کےلئے چھ سو کے قریب جیش العدل کے جنگجوؤں کو افغانستان کے صوبے نیمروز ، ہرات اور فراہ روانہ کیا ہے۔
رحمت اللہ نبیل نے مزید کہا کہ پاکستان آئی ایس آئی نے جیش العدل کے چھ سو جنگجوؤں کو بلوچستان کے علاقے دالبندین، نوشکی، ماشکیل اور پنجگور سے روانہ کیا اور انھیں ہر طرح کی جنگی سازوسامان سے لیس کیا ہے ۔
خیال رہے کہ حالیہ چند ہفتوں سے افغانستان کے مختلف علاقوں میں طالبان کی جانب سے حملوں میں کافی اضافہ ہوا ہے اور گذشتہ چوبیس گھنٹوں کے دوران دو صوبائی دارالحکومتوں پر بھی طالبان نے قبضہ کیا ہے۔
دوسری جانب امریکی صدر جوبائیڈن نے قطر میں واقع فوجی اڈے سے اپنے بی باون اور ڈرون جنگی طیاروں کو افغانستان میں طالبان کے ٹھکانوں پہ حملہ کرنے کا حکم نامہ جاری کردیا ہے۔
