فورسز نے پہاڑی سلسلے کو چار مختلف اطراف سے گھیرے میں لیا ہوا ہے اور ہیلی کاپٹروں کی مدد سے مختلف مقامات پہ وقفے وقفے سے شیلنگ بھی کی جارہی ہے۔
مقامی زرائع سے ٹی بی بی کو موصول ہونے والی اطلاعات کے مطابق پاکستانی فورسز نے جھاو کے علاقے سورگر میں بڑے پیمانے کی زمینی و فضائی آپریشن کا آغاز گذشتہ ماہ کی سولہ تاریخ سے کی ہے، جوکہ تاحال تسلسل کے ساتھ جاری ہے ۔
زرائع کے مطابق فورسز کی پیش قدمی اورناچ، بیلہ اور نال کی جانب سے جاری ہے اور اس دوران پہاڑی اور میدانی علاقوں میں متعدد لوگوں کو گرفتار کرکے فورسز اہلکار انھیں اپنے ہمراہ لے گئے ہیں ۔
خیال رہے کہ بلوچستان کے متعدد علاقوں میں پاکستانی فورسز اور اس کے خفیہ اداروں کی جانب سے قائم کردہ ڈیتھ اسکواڈ گروہوں کی جانب سے آپریشن و چھاپوں کا سلسلہ جاری ہے ۔
بلوچستان کے اکثر علاقوں میں مقامی لوگوں کی جانب سے یہ شکایت موصول ہوتی ہے کہ دوران آپریشن پاکستانی فورسز اور ڈیتھ اسکواڈ کے اہلکار گھروں میں لوٹ مار بھی کرتے ہیں ۔
بلوچ سیاسی جماعتوں و تنظیموں کی جانب سے آئے روز ان آپریشنز و چھاپوں کی مذمت بھی جاتی ہے ۔
