بلوچستان میں نوجوانوں بالخصوص طالب علموں کا فورسز کے ہاتھوں گرفتاری کے بعد لاپتہ ہونا اب روز کا معمول بن چکا ہے۔
اطلاعات کے مطابق بلوچستان کے ضلع کیچ کے تحصیل تمپ کے علاقے دزان سے پاکستانی فورسز نے چھاپہ مار کر چار بلوچ طالب علموں کو گرفتار کرکے لاپتہ کردیا۔
لاپتہ ہونے والے طلالب علموں کی شناخت نبیل ولد محمد آصف، الیاس ولد حاجی عبدالحمید ، منیب ولد محمد علی اور احسان ولد لیاقت کے نام سے ہوئی ۔
بلوچستان میں لاپتہ افراد کا مسئلہ ایک گھمبیر صورتحال کی شکل اختیار کرچکا ہے، آئے روز مختلف علاقوں سے زندگی کے ہر شعبے سے تعلق رکھنے والے لوگ لاپتہ ہورہے ہیں ۔
اب جبکہ پوری دنیا کورونا وائرس جیسی عالمی وباء کی زد میں ہے اور لوگوں گھروں میں محصور ہوچکے ہیں لیکن بلوچستان میں اسی دوران فورسز کی آپریشن و چھاپوں میں تیزی آئی ہے ۔
لاپتہ افراد کی بازیابی کے لئے لواحقین کی جانب سے گذشتہ ایک دہائی سے زائد عرصے سے کوئٹہ و کراچی میں احتحاج جاری ہے ۔
