دی بلوچستان پوسٹ نامہ نگار کے مطابق آج پنجگور کے علاقے چتکان میں نا معلوم مسلح افراد نے ایف سی کے چیک پوسٹ پر نامعلوم سمت سے دو راکٹ فائر کئے اور خودکار ہتھیاروں سے شدید فائرنگ کی۔ دھماکوں سے پورا علاقہ گونج اٹھا۔
نامہ نگار کے مطابق جانی نقصانات کے غیر مصدقہ اطلاعات ہیں لیکن مصدقہ ذرائع سے ابتک نقصانات کی اطلاعات موصول نہیں ہوئے ہیں۔ جوابی فائرنگ سے حملہ آور فرار ہونے میں کامیاب ہوئے ہیں۔
یاد رہے گذستہ دنوں پنجگور کے قریب ہی واشک شنگر کے علاقے میں ایف سی پر ہونے والے حملے میں ایک لیفٹینٹ کرنل سمیت تین اہلکار ہلاک اور ایف سی کمانڈنٹ سمیت تین زخمی ہو گئے تھے۔
