دی بلوچستان پوسٹ سوشل میڈیا رپورٹر کے مطابق معروف بلوچ قومی رہنما اور بلوچ لبریشن آرمی کے سینئر کمانڈر اسلم بلوچ نے سماجی رابطوں کے ویب سائٹ ٹوئیٹر پر بلوچستان کے علاقوں بھمبور، کاہان، ڈیرہ بگٹی وغیرہ میں جاری حالیہ فوجی آپریشنوں کے بابت اپنے پیغامات میں بلوچستان میں جاری فوجی جارحیت کو شام سے تشبیہہ دیکر عالمی برادری سے نوٹس لینے کی اپیل کی ہے۔
اسلم بلوچ نے اپنے پیغام میں کہا ہے کہ “عوام کے خلاف کیمیاوی ہتھیاروں کا استعمال ہو یا آرٹلری یا پھر گن شپ ہیلی کاپٹر، سب میں المیہ، یکساں طور پر انسانی جانوں کے ضیاع کا ہوتا ہے۔ پاکستانی آرمی بلوچستان میں انہی جنگی جرائم کا مرتکب ہورہا ہے، جن کا ارتکاب اسد کی آرمی شام میں کرچکی ہے۔”
No matter if chemical weapons are used against civilians or gunships and artillery, the death and destruction upon innocents is same. Pakistani forces are committing war crimes in Balochistan, just like Asad's Army is doing in Syria.
— Aslam Baloch (@Aslam_Baluch1) April 16, 2018
اسلم بلوچ نے مزید کہا ہے کہ ” پاکستانی آرمی بھمبور و کاہان میں ہزاروں معصوم عورتوں اور بچوں کو گھیر کر انسانی ڈھال کے طور پر جنگ میں استعمال کررہا ہے۔ یہ سلسلہ بلوچستان میں گذشتہ کئی دہائیوں سے جاری ہے، مہذب اقوام عالم کو اس بربریت کا فوری نوٹس لینا چاہیئے۔”
Civilian areas in Bhambor, Kahan are in state of siege and Pakistani Army has been using innocents as human shield. This has been happening in Balochistan for many years now. The civilized world should take immediate notice of Pakistani brutalities.
— Aslam Baloch (@Aslam_Baluch1) April 16, 2018
یاد رہے گذشتہ دو ہفتوں سے بلوچستان کے علاقوں بھمبور و کاہان میں ایک شدید نوعیت کا فوجی آپریشن جاری ہے۔ اس دوران بلوچ مزاحمت کاروں اور فوج کے درمیان شدید جھڑپوں کی اطلاعات ہے۔ نمائیندہ دی بلوچستان پوسٹ کے مطابق کئی مقامات سے اطلاعات آرہی ہیں کہ فوج عام شہریوں کو بلا اشتعال نشانہ بنارہی ہے، تاہم محاصرے کی وجہ سے تفصیلات تاحال موصول نہیں ہوسکے ہیں۔
