پاکستان پیپلز پارٹی کے رہنما اور صوبائی وزیر میر صادق علی عمرانی نے بلوچستان اسمبلی میں خطاب کرتے ہوئے کہا ہے کہ بلوچستان میں جو قوتیں امن و امان کی بحالی کی ذمہ دار ہیں، حکومت ان کے لیے اربوں روپے امن و امان کی بحالی کے لیے مختص کرتی ہے، اس کا کوئی فائدہ سامنے کیوں نہیں آ رہا؟
انہوں نے کہا کہ ہمیں بتائیں کہ اس صوبے کے لوگ جو ٹیکس دیتے ہیں، ان کو تحفظ کیوں نہیں دیا جا رہا؟ امن قائم نہ ہونے کی وجوہات بتائیں۔
انہوں نے کہا کہ بلوچستان سے 235 افراد اسلام آباد میں ایک کانفرنس میں شریک ہوتے ہیں، سارے وہاں سے گالیاں کھا کر باعزت واپس آتے ہیں۔
