بلوچستان کے ساحلی ضلع گوادر کے علاقے پسنی میں مکران کوسٹل ہائی وے پر واقع زیرو پوائنٹ کے قریب کسٹم، ایکسائز اور پولیس کی چیک پوسٹوں پر مسلح افراد نے حملہ کر دیا۔
ذرائع کے مطابق، مسلح افراد نے کارروائی کے دوران مختلف سرکاری اداروں کی چیک پوسٹوں کو آگ لگا دی، جبکہ وہاں موجود سرکاری گاڑیوں کو بھی نذرِ آتش کیا گیا۔
پولیس ذرائع کا کہنا ہے کہ حملہ آور کارروائی کے بعد پولیس، کسٹم اور ایکسائز اہلکاروں کے سرکاری اسلحے بھی اپنے ساتھ لے گئے۔
تاہم، واقعے میں کسی جانی نقصان کی اطلاعات تاحال موصول نہیں ہوئی ہیں۔
دوسری جانب، علاقے میں مختلف مقامات پر ناکہ بندی اور فورسز کے ساتھ جھڑپ کی بھی اطلاعات موصول ہوئی ہیں۔
