دی بلوچستان پوسٹ نیوز ڈیسک کو موصول ہونے والی اطلاعات کے مطابق بلوچستان کے ضلع نصیر آباد میں دو مختلف واقعات میں ایک شخص جانبحق جبکہ چھ افراد زخمی ہوگئے ہیں۔
تفصیلات کے مطابق ضلع نصیر آباد کے تحصیل ڈیرہ مراد جمالی میں پہنیار پل کے قریب فائرنگ سے ایک شخص جانبحق ہوگیا ہے جس کی شناخت سلیمان خان شر کے نام سے ہوئی ہے جو سردار اللہ وریا خان شر کے بیٹے ہیں۔ ذرائع کے مطابق قتل پرانے دشمنی کا شاخسانہ ہے۔
دریں اثناء نصیرآباد میں گولہ چوک پر دو گروہوں کے بیچ تصادم کے نتیجے میں 6 افراد شدید زخمی ہوگئے ہیں، جنہیں ہسپتال منتقل کردیا گیا ہے، تاہم اس حوالے مزید معلومات آنا باقی ہے۔
