بلوچستان ہائی کورٹ میں بلوچ یکجہتی کمیٹی کے اسیران ڈاکٹر ماہ رنگ بلوچ، بیبو بلوچ، گلزادی بلوچ، صبغت اللہ شاہ جی اور بیبگر بلوچ کی ضمانت سے متعلق درخواستوں پر سماعت ہوئی، جس کے بعد عدالت نے فیصلہ محفوظ کر لیا۔
سماعت کے دوران اسیران کے وکلاء نے اپنے دلائل پیش کیے، جس پر چیف جسٹس نے فریقین کو سننے کے بعد فیصلہ محفوظ کرتے ہوئے کہا کہ چند روز میں فیصلہ سنایا جائے گا۔
اس موقع پر بلوچستان بار کونسل کے رکن ایڈووکیٹ جاڈین دشتی اور دیگر وکلاء نے میڈیا سے گفتگو کرتے ہوئے امید ظاہر کی کہ بلوچ یکجہتی کمیٹی کے اسیران کو جلد رہائی ملے گی۔
