بلوچستان کے ضلع پنجگور کے علاقے گوَرگو میں ایک بڑا مسلح حملے کی اطلاعات ہیں۔ جہاں بلوچ آزادی پسندوں کی بڑی تعداد نے پاکستانی فوج کے 91 ونگ کیمپ کو نشانہ بنایا۔
عسکری ذرائع کے مطابق حملے میں کم از کم آٹھ اہلکار ہلاک جبکہ دس اہلکار شدید زخمی ہوئے۔ جن میں کیپٹن اسامہ کا نام بھی شامل ہے۔
ذرائع نے بتایا کہ حملہ آوروں کی تعداد کافی زیادہ تھی اور وہ جدید اسلحے سے لیس تھے۔ حملہ کئی گھنٹوں تک جاری رہا، جس کے دوران دو طرفہ شدید فائرنگ کا تبادلہ ہوا۔
عسکری حکام کی جانب سے تاحال سرکاری طور پر حملے کی تصدیق یا تردید نہیں کی گئی۔
خیال رہے کہ اس سے قبل بھی بلوچستان میں پاکستانی فورسز کو بڑے نوعیت کے حملوں میں نشانہ بنایا جاتا رہا ہے تاہم اس واقعہ کی ذمہ داری تاحال کسی نے قبول نہیں کی ہے۔
