بلوچستان لبریشن فرنٹ کے ترجمان میجر گہرام بلوچ نے میڈیا کو جاری بیان میں کہا ہے کہ سرمچاروں نے آواران کے تحصیل جھاؤ کے علاقے ڈولیجی میں 05 ستمبر منگل کی شام ساڑھے چھ بجے قابض پاکستانی فوج پر حملہ کرکے ایک اہلکار کو ہلاک و دو کو زخمی کردیا۔
انہوں نے کہا کہ بلوچستان لبریشن فرنٹ کے سرمچاروں نے بہترین جنگی حکمت عملی سے حملہ آور ہو کر دشمن فوج کے ایک اہلکار جو چوکی کے باہر کھڑا تھا اسنائپر بندوق سے نشانہ بناکر ہلاک کردیا اور بعد میں دشمن کی چوکی پر گرنیڈ لانچر و راکٹوں سے حملہ کیا۔ اس حملے میں دُشمن فوج کا ایک اہلکار ہلاک اور دو شدید زخمی ہوئے۔
ترجمان نے کہا کہ بلوچستان لبریشن فرنٹ اس حملے کی ذمہ داری قبول کرتی ہے اور مقبوضہ بلوچستان کی آزادی تک قابض دشمن فوج و انکے سامراجی منصوبوں پر ہمارے حملے جاری رہیں گے۔
