مٹروپولیٹن کارپوریشن تنظیمی اتحاد کے ملازمین اپنے پرامن احتجاج کو وسعت دیتے ہوئے قلم چھوڑ ہڑتال اور کام چھوڑ ہڑتال کردی اور آج سینکڑوں ملازمین نے تنظیمی اتحاد کے صدر حاجی حضرت خان اور منظور لالا حبیب الرحمن بازئی اور سینیئر رہنماں کی قیادت میں مٹروپولیٹن کارپوریشن کے دفتر سے پرامن احتجاجی ریلی نکالی جو ڈی سی آفیس کے سامنے سے گزرتی ہوئی جناح روڈ سے منان چوک سے پریس کلب کے سامنے دھرنا دیا۔
اس موقع پر تنظیمی اتحاد کے سینیئر رہنما نے ملازمین سے خطاب کیا۔
مقررین جن میں تنویر اسلم ، نصیب اللہ کاکڑ، علی نواز رئیسانی ، حبیب الرحمن بازئی ، منظور احمد اور دیگر نے خطاب کرتے ہوئے کہا کہ پینشن اور گریجویٹی ، کنٹریکٹ ملازمین کی پانچ ماہ کی تنخواہیں ، میٹروپولیٹن ملازمین کی سالانہ گرانٹ، لواحقین کی خالی آسامیوں پر فوری بھرتیاں جب تک نہیں ہوں گی۔ کام چھوڑ احتجاج جاری رہے گا۔ چیف آفیسر میٹروپولیٹن کارپوریشن کے وعدوں پر عمل درآمد نہ کرنے پر بھی ملازمین نے تبادلہ کا مطالبہ کر دیا ہے۔ اور یہ پرامن ریلی مٹروپولیٹن کارپوریشن کے دفتر اختتام پذیر ہوئی اور کل کے مظاہرے کے مزید ملازمین کے ساتھ شرکت کا عندیہ دیا گیا۔
