بلوچستان کے صنعتی شہر حب کے علاقے لیبر کا لو نی کے قریب خاتون کی تشدد زدہ لاش بر آمد ۔
لاش کو ایدھی ایمبو لنس کے ذریعے سول ہسپتال حب منتقل کردیا گیا اس حوالے سے ایس ایچ او پو لیس تھانہ ہا ئیٹ غلام مصطفی شاہ نے بتایا کہ لیبر کالونی کے قریب ( ش ) نامی خاتون کو ان کے شوہر نے کلہاڑی وارکرکے ہلا ک کردیا اور جائے وقوعہ سے فرار ہو گیا۔
ایس ایچ او کے مطابق گھر سے آلہ قتل کلہاڑی بر آمد کرکے مقتولہ کے شوہر کی تلاش شروع کر دی گئی ہے۔
علاوہ ازیں حب کے علاقے پٹھان کالونی کے قریب جھاڑیوں سے ایک روز پرانی ایک شخص کی لاش برآمد ہوا ہے۔
ایدھی ذرائع کے مطابق حب کے علاقے پٹھان کالونی کے قریب جھاڑیوں سے ایک روز پرانی نعش ملی جسے سول ہسپتال حب منتقل کردیا گیا جہاں متوفی کی شناخت عبدالجبار کے نام سے ہوئی مقامی پولیس نے ضابطے کی کارروائی کے بعد نعش ورثا کے حوالے کردی۔
