رکن پاکستان اسمبلی اور بلوچستان نیشنل پارٹی کے سربراہ سردار اختر جان مینگل نے کہا ہے کہ وفاقی اور صوبائی حکومتیں فوری امداد کو یقینی بنائیں
انہوں نے تمام غیر سرکاری ادارے این جی اوز، ٹرسٹ اور مخیر حضرات سے اپیل کی ہے کہ حالیہ طوفانی بارشوں اور سیلاب نے جہاں پورے ملک میں تباہی مچائی ہے وہاں ڈیرہ جات جس میں کوہ سلیمان، ڈی جی خان، راجن پور، تونسہ شریف اور پسماندہ بلوچستان کا تقریباً 95 فیصد ڈوب چکا ہے ۔
انہوں نے کہا کہ عوام آسمان تلے زندگی گزارکر نان شبینہ کیلئے محتاج ہیں، عوام کی فوری داد رسی کرکے ان کی زندگیوں کو تحفظ فراہم کی جائے۔
سردار اختر مینگل نے بلوچستان نیشنل پارٹی کے تمام ایم این ایز ،ایم پی ایز، سینیٹرز مرکزی وصوبائی عہدیداروں سمیت تمام ورکروں کو ہدایت کی ہے کہ سیلاب زدگان کی ہر ممکن امداد کرے اور کسی بھی قسم کی قربانی سے دریغ نہ کریں اور علماء کرام سے خصوصی گزارش کی ہے کہ وہ اللہ پاک کی بارگاہ میں دعا کریں اللہ پاک اس باران کو رحمت بنائے۔
