بلوچستان لبریشن فرنٹ کے ترجمان میجر گہرام بلوچ نے گوادر کے علاقے زیارت مچی میں یوفون کمپنی کی سیل فون ٹاوراوراس کی مشینری کوایک بار پھر نقصان پہنچانے کی ذمہ داری قبول کرلی ہے۔
میجر گہرام بلوچ نے کہا کہ دو ہفتہ پہلے بھی اس ٹاور پر حملہ کرکے مشینری جلا دی گئی تھی۔ اس کی دوبارہ مرمت کرکے اسے پاکستانی فوج کی سیکورٹی میں دے دیا گیا ہے جو راتوں کو اس پر پہرہ دیتے ہیں۔ سرمچاروں نے دو ستمبر کو شام پانچ بجے حملہ کرکے اسے ایک دفعہ پھر جلا کر ناکارہ بنایا ہے۔
انہوں نے کہا کہ ایک طرف قابض فورسز سی پیک روٹ پر مقامی آبادیوں کو جبری نقل مکانی پر مجبور کر رہی ہے تو دوسری جانب اپنی فورسز کو تحفظ دینے کے لیے موبائل فون ٹاورز کی جال بچھا رہی ہے۔ یہ کمپنیاں قابض کو فائدہ کو پہنچانے کے لیے کام کر رہی ہیں۔
یہ حملے بلوچستان کی آزادی تک جاری رہیں گے۔
