ڈیفینس آف ہیومن رائیٹس پاکستان نے اس ماہ لاپتہ افراد کے عالمی ہفتہ کے موقع پر جبری گمشدگیوں کے حوالے سے شعور پیدا کرنے میں عوام کے کردار کو تسلیم کرتے ہوئے آگاہی مہم کا انعقاد کا اعلان کیا ہے.
بیان کے مطابق ڈیفینس آف ہیومن رائیٹس پاکستان خاص طور پر نوجوانوں کو اس مقصد میں شامل ہونے اور اپنا کردار ادا کرنے کی ترغیب دینے کے لئے ایک آرٹ اور شاعری کا مقابلہ کر رہا ہے۔
تنظیم کے مطابق فن اور شاعری جبری گمشدگیوں کےمسئلے کے گرد گھومتے ہوئے مجموعی موضوع کی عکاسی کرنا ضروری ہے، پوسٹرز اور شاعری گمشدگیوں یا انسانی حقوق کے مسئلے سے متعلق ایک یا کوئی اہم موضوع پیش کرسکتے ہیں۔
بیان میں کہا گیا ہے کہ آگاہی مہم 15-50 سال کے لوگوں کے لئے کھلا ہے۔ لاپتہ افراد کے لواحقین کو بھی اس میں حصہ لینے کی ترغیب دی جائیگی۔
