پشین: فائرنگ سے بچہ جانبحق، 3 افراد زخمی

حملے کے شبہ میں متعدد افراد گرفتار 

دی بلوچستان پوسٹ نیوز ڈیسک کو موصول ہونے والی اطلاعات کے مطابق بلوچستان کے ضلع پشین میں نامعلوم مسلح افراد نے فائرنگ کرکے کمسن بچے کو قتل خردیا جبکہ تین افراد فائرنگ سے زخمی ہوگئے –

فائرنگ کا واقعہ پشین بازار میں سیشن کورٹ کے سامنے پیش آیا جب نامعلوم مسلح افراد نے حاجی ظریف خلجی نامی شخص پر فائرنگ کردی، فائرنگ کے زد میں آکر حاجی ظریف کے ڈرائیور سمیت 3 راہگیر زخمی ہوگئے –

زخمی ہونے والے راہگیروں میں دو بچیں بھی شامل تھیں جن میں سے ایک بچہ زخموں کی تاب نا لاتے ہوئے جان کی بازی ہار گیا –

پولیس نے جائے وقوعہ سے متعدد افراد کو گرفتار کرکے پولیس تھانہ منتقل کردیا ہے اور مزید کاروائی جاری ہے –