طالبان اور امریکہ کے مابین معاہدے کو حتمی شکل دے دی گئی

165

طالبان اور امریکی کے ساتھ طویل بات چیت کے بعد آج بروز منگل افغانستان امن معاہدے کے حوالے سے اتفاق ہوا۔

ٹی بی پی نیوز ڈیسک رپورٹ کے مطابق امریکہ کی جانب سے ۔مذاکرات کار زلمے خلیل زاد جلد ہی کابل کا دورہ کریں گے اور افغان حکام سے معاہدے کے متن اور حالیہ پیشرفتوں کے بارے میں بات چیت کریں گے۔

قابل اعتماد ذرائع  مطابق طالبان اور امریکہ کے مابین معاہدے سے متعلق تمام معاملات حل ہوگئے اور معاہدے کو حتمی شکل دی گئی۔

یہ پہلا معاہدہ ہے جس پر دونوں فریقوں کے مابین دستخط ہوں گے لیکن اصل معاہدے پر ایک اہم اجلاس میں دستخط ہوں گے  جس میں بین الاقوامی ضامن بھی شرکت کریں گے۔

اس سے قبل کچھ ذرائع ابلاغ نے کہا تھا کہ طالبان روس، چین اور اقوام متحدہ کے نمائندوں کی موجودگی میں معاہدے پر دستخط کرنے کے لئے ایک بڑی کانفرنس طلب کرنا چاہتے ہیں

قطر کے ذرائع نے بتایا کہ روس، چین اور اقوام متحدہ معاہدے کے ضامن ہیں۔ معاہدے پر دستخط کرنے کے لئے ابھی تک کوئی جگہ طے نہیں کی گئی ہے لیکن ناروے، چین، قطر اور ازبکستان نے معاہدے پر دستخط کرنے پر اتفاق کیا ہے، اس معاہدے پر دستخط کرنے کے بعد ناروے میں باضابطہ بین المذاہب بات چیت شروع ہوگی۔

طالبان کا کہنا ہے کہ انہوں نے معاہدے میں وعدہ کیا تھا کہ وہ امریکیوں کو ایک محفوظ راستے سے باہر نکالیں گے اور اس بات کی ضمانت دیں گے کہ کسی بھی گروپ کو افغانستان کا علاقہ استعمال کرنے کی اجازت نہیں دے گا۔

طالبان کا کہنا ہے کہ مستقبل میں ہونے والے سیاسی ڈھانچے اور حکومتی مسئلے پر باہمی بات چیت کی جائے گی۔