پنجگور کے علاقے بونستان چونگی بازار کے رہائشیوں نے اپنے جاری کردہ بیان میں کہا کہ چونگی بازار بونستان گذشتہ تین ماہ سے پینے کے صاف پانی سے محروم ہے ۔
انہوں نے کہا کہ 1992 سے اہل علاقہ کمیونٹی واٹرسپلائی سے اپنی مدد آپ کے تحت تمام اخراجات خود برداشت کرکے چلارہے تھے مگر گذشتہ ماہ یہ واٹر سپلائی کی واٹر پمپ اور سمرسیبل جل گئے ۔
انہوں نے کہا کہ بور کو ٹھیک ہی کررہے تھے کہ اچانک یہ بور ویل اندر سے مہندم ہوکر واٹرپمپ سمیت ختم ہوگیا چونکہ یہ کمیونٹی کےلئے بہت بڑا مسئلہ ہے کہ علاقے کے زیادہ تر لوگ غریب اور دو وقت کی روٹی سے محروم ہیں انکی گنجائش سے باہر ہے اور اب پوری آبادی اس وقت کسمپرسی کی زندگی گزاررہے ہیں
اہلیان چونگی بازار بونستان نے اپنے مشترکہ بیان میں حکام بالا سے اپیل کرتے ہوئے کہا ہے کہ اب گرمیوں کا موسم آنے والا ہے اور ساتھ ہی رمضان المبارک کا بابرکت مہینہ آنے کو ہے اس لئے اس بنیادی مسئلے کو جلد از جلد حل کیا جائے
۔انہوں نے مزید کہا کہ چونکہ یہاں لوکل بور لگانے کاخرچہ کم سے کم آتا ہے لہذا ہمیں فلحال ایک لوکل بور لگانے کا بندوبست کیا جائے ۔
