ہنگامی اپیل میں بلوچ سیاسی کارکن راشد حسین کو منظر عام پر لانے کا مطالبہ کیا گیا ہے
دی بلوچستان پوسٹ میڈیا مانیٹرنگ ٹیم کے مطابق انسانی حقوق کے عالمی ادارے ایمنسٹی انٹرنیشنل نے متحدہ عرب امارات میں خفیہ اداروں کے ہاتھوں اغواء ہونے والے بلوچ سیاسی کارکن راشد حسین کی رہائی کیلئے ایک ہنگامی اپیل جاری کردی ہے۔
ہنگامی اپیل میں ایمنسٹی انٹرنیشنل نے کہا ہے کہ ” 26 دسمبر 2018 سے بلوچ سیاسی کارکن راشد حسین کو بغیر کسی وارنٹ کے امارتی خفیہ اداروں نے گرفتار کرکے قید تنہائی میں رکھا ہوا ہے، اماراتی حکام انکی گرفتاری کے وجوہات، مقام اور الزامات کچھ بھی ظاھر نہیں کررہے ہیں۔”
ایمنسٹی انٹرنیشنل نے مزید کہا ہے کہ ” اس بات کے مظبوط شواہد موجود ہیں کہ اماراتی حکام راشد حسین کو ماورائے عدالت پاکستان کے حوالے کرنا چاہتے ہیں، امارات آنے سے پہلے جہاں وہ ایک متحرک سیاسی کارکن تھے۔ اگر انہیں زبردستی واپس پاکستان بھیجا جاتا ہے تو وہاں انکے زندگی کو شدید خطرات لاحق ہونگے۔”
A #Baloch activist is held incommunicado in the #UAE and is at risk of deportation to #Pakistan. There is reason to fear his life would be in danger if he were forcibly returned to Pakistan. Take action here: https://t.co/Gx76rWR94A
— Amnesty UAE (@AmnestyUAE) February 20, 2019
اپیل میں ایمنسٹی انٹرنیشل نے سب سے اپیل کی ہے کہ وہ ” ہنگامی اپیل” میں منسلک خط کو نقل کرکے یا از خود ایک خط تحریر کرکے اماراتی وزارت خارجہ کو عبداللہ بن عبدالعزیز کے نام ارسال کریں۔
جس میں شیخ عبداللہ سے درخواست کی گئی ہے کہ وہ راشد حسین کو منظر عام پر لائیں اور انہیں انکے اہل خانہ اور وکیل سے ملاقات کی اجازت دی جائے۔ اور اس بات کو یقینی بنایا جائے کے عالمی قوانین سے متصادم کوئی اقدام نہیں اٹھائے جائیں اور راشد حسین پر جو الزامات ہیں انہیں باقاعدہ عدالت میں ثابت کیا جائے۔
