عوامی نیشنل پارٹی کے رہنماء ابرار خلیل کو فائرنگ کرکے قتل کردیا گیا
دی بلوچستان پوسٹ نیوز ڈیسک کو موصول ہونے والی اطلاعات کے مطابق عوامی نیشنل پارٹی کے رہنماء کو نامعلوم مسلح افراد نے فائرنگ کرکے قتل کردیا ۔
تفصیلات کے مطابق خیبرپختونخواہ کے علاقے تہکال میں عوامی نیشنل پارٹی کے پی ۔ کے 74 سے الیکشن لڑنے والے امیدوار ابرار خلیل اور اُنکے بھانجے راشد خان نا معلوم مسلح افراد کی فائرنگ سے موقعے پر ہلاک، جبکے حملہ آور فرار ہونے میں کامیاب ہو گئے۔
ریسکیو ذرائع کے مطابق دونوں لاشوں کو پوسٹ مارٹم کے لیے ہسپتال منتقل کر دیا گیا ہے ۔
یاد رہے اس سے قبل بھی متعدد اے این پی رہنماؤں کو خودکش حملوں اور ٹرگٹ کلنگ کے ذریعے قتل کیا جاچکا ہے ۔
