تربت کےعلاقے آپسر سے برآمد ہونے والی لاش کی شناخت ہو گئی
دی بلوچستان پوسٹ نیوز ڈیسک کو موصول ہونے والی اطلاعات کے مطابق ضلع کیچ کے علاقے تربت آپسر فٹبال چوک کے قریب سے ملنے والی لاش کی شناخت اختر ولد حامد سکنہ ہوشاپ کے نام سے ہوئی ہے۔
سرکاری ذرائع کا کہنا ہے کہ اختر ولد حامد تر بت میں بم نصب کرنے کے دوران زخمی ہوگیا تھا۔
سرکاری ذرائع کے مطابق کیچ کے ضلعی ہیڈ کوارٹر میں یو بی ایل چوک پر چھ اگست کی رات کو کچہرے کے ڈھیر کے قریب ایک دھماکہ ہوا تھا ۔ تفتیشی ٹیم مو قع پر پہنچنےتو انہیں کچرہ دان کے قریب خون کے دھبے نظر آئے۔
انکا مزید کہنا تھا کہ حساس ادارے کو خفیہ اطلاع ملی تھی کی زخمی شخص کو گاڑی کے ذریعے علاج کے غرض سے تربت سے ایران منتقل کر نے کی کوشش کی جا رہی ہے، جس کے بعد علاقے کی سخت ناکہ بندی کر دی گئی تھی۔ تاہم اطلاع ملنے پر جب ایک گھر پر چھاپہ مارا گیا تو وہاں ملہوک مردہ حالت میں ملی۔
