نامعلوم افراد نے حملہ کرکے راکٹ کے گولے داغے
دی بلوچستان پوسٹ کو موصول ہونے والی اطلاعات کے مطابق نامعلوم مسلح افراد نے سابقہ ایم پی اے ظہور بلیدی کے گھر پر ایک بار پھر شدید حملہ کردیا ہے۔
تفصیلات کے مطابق بلیدہ مناز میں ظہور بلیدی کے گھر پر نامعلوم افراد نے سوموار کے دن راکٹ کے گولوں اور دیگر خودکار ہتھیاروں سے حملہ کردیا۔
واضح رہے کہ ظہور بلیدی کے گھر پر ہفتے کے روز بھی نامعلوم افراد کیجانب سے حملے کی اطلاعات تھیں۔
آج ہونے والے حملے میں نقصانات کی تفصیلات ابھی تک موصول نہیں ہوئیں ہیں۔
ظہور بلیدی بلوچستان عوامی پارٹی کے سینئر وائس پریزیڈنٹ اور کیچ سے آنے والے انتخابات میں امیدوار ہیں۔
بلوچ مسلح تنظیموں کی جانب سے آنے والے انتخابات کا مکمل بائیکاٹ کے اعلان کے بعد مختلف امیدواروں پرگزشتہ کچھ روز میں حملے کیے گئے ہیں۔
