TBP Balochistan

کراچی پریس کلب کے سامنے مختلف اوقات میں کراچی سے لاپتہ ہونے والے افراد کے لواحقین کا احتجاج آج نویں روز میں جاری رہا،جس میں خواتین اور بچوں نے شرکت کی۔ آج احتجاج میں کراچی سے لاپتہ ہونے شعیب بلوچ کے لواحقین نے بھی شرکت کرکے کہا کہ طالب علم شعیب احمد ولد اعظم خان کوسندھ پولیس اور فورسز نے حراست میں لے کر لاپتہ کردیا۔ شعیب احمد کا تعلق ضلع خضدار کے علاقے نال سے ہے۔ وہ کراچییونیورسٹی میں داخلہ لینے کے خواہشمند تھے۔ اس موقع پر بلوچ یکجہتی کمیٹی کراچی کی آرگنائزر آمنہ بلوچ نے کہا کہ  ایسا لگتا ہے کہ سندھ حکومت لاپتہ افراد کی زیابی کےحوالے سے ہونے والے مذاکرات سے سنجیدہ نہیں ہے ۔ انہوں نے کہا کہ  دو روز گزرنے کے باوجود ایک بھی لاپتہ فرد کی بازیابی نہیں ہوئی حالانکہ مذاکرات کا آغاز خود سندھ حکومت نےسندھ پولیس کے حکام کے ذریعے کیا تھا جس کا ہم نے خیر مقدم کیا تھا کیونکہ ہم جمہوری لوگ ہیں اور بات چیت پر یقین رکھتے ہیں۔  انہوں نے کہا کہ یہ بات واضح ہوچکی ہے کہ زرداری حکومت جمہوریت کا نعرہ تو لگاتی ہے مگر اس پر عمل نہیں کرتی ہے اگرمذاکرات ایک ڈھونگ تھا۔ تو ہم اس ڈھونگ کا مقابلہ سیاسی حکمت عملی سے کرینگے۔  آمنہ بلوچ نے کہنا تھا کہ لواحقین کو مجبور نہ کیا جائے کہ  وہ دوبارہ سندھ اسمبلی یا وزیراعلیٰ ہاوس کے سامنے دھرنا دیں، ہماریپرامن تحریک کو ہماری کمزوری نہ سمجھا جائے۔ آج احتجاجی کیمپ میں کراچی کے علاقے گلستان جوہر سے لاپتہ ہونے والے عبدالحمید زہری، کراچی کے علاقے ملیر سے سعید احمدولد محمد عمر ، ماری پور سے لاپتہ ہونے والے محمد عمران، لیاری سے لاپتہ ہونے والے شوکت بلوچ، کراچی کے علاقے گلستان جوہرسے لاپتہ ہونے والے شعیب احمد اور رئیس گوٹھ کراچی سے لاپتہ ہونے والے نوربخش ولد حبیب کے لواحقین شامل تھے۔

وائس فار بلوچ مِسنگ پرسنز کے بھوک ہڑتالی کیمپ کو 4691 دن ہوگئے، آج اظہارِ یکجہتی کرنے والوں میں شال کے سول سوسائٹیسے مرد اور خواتین شریک تھے۔ اس موقع پر وی بی ایم پی کے وائس چیئرمین ماما قدیر بلوچ نے کہا کہ بیس سال بیت چکے ہیں کہ بلوچستان سے جبری گمشدگیوں کاسلسلہ جاری ہے اور انکی بازیابی کیلئے بلوچ ماؤں بہنوں کی یہ پرامن جدوجہد تب سے جاری ہے، وائس فار بلوچ مسسنگ پرسنزانہی لواحقین کی قائم کردہ تنظیم ہے جو بلوچستان سے جبری لاپتہ لوگوں کی بازیابی کیلئے ایک جہد مسلسل کرتے آرہے ہیں ہمارےماؤں بہنوں نے عزم کیا ہے کہ اپنے پیاروں کو ایک دن بازیاب کرائیں گے اگر ان کو تشدد سے  شہید کیا گیا ہے کہ تو وہ ظالم ایک دناپنے انجام کو پہنچ جائیں گے، فوجی حکومت کے دوران ہزاروں بلوچ نوجوانوں کو جبری لاپتہ کیا گیا، سختیوں کے پیش نظر بہت سےجبری لاپتہ لوگوں کا اندراج اب تک ممکن نہیں ہو سکا ہے، اس لیے ایک مستند کوائف کو پایہ تکمیل تک پہنچانے میں ہماری تنظیمکامیاب نہیں ہوسکی ہے، 2001  سے 2022 تک پچپن ہزار کے قریب لوگ بلوچستان سے جبری لاپتہ کیئے گئے ہیں۔ انہوں نے مزید کہا کہ بلوچ جبری لاپتہ افراد کی بازیابی کیلئے جدوجہد اب بلوچستان سے باہر دوسرے شہروں میں بھی پھیل چکا ہے،احتجاج کے ذرائع بدل گئے ہیں اور ہم دنیا میں ان انسانی حقوق کے خلاف ورزیوں پہ کافی حد تک آگہی دے چکے ہیں ہم چاہتے ہیں کہوہ اس پر امن جدوجہد میں ہماری آواز بنیں۔  انہوں نے کہا کہ دنیا میں سامراجی طاقتیں جو بھی حربہ استعمال کریں، مظلوم کی آواز دبانے کیلئے اسکا نتیجہ بر عکس ہوتا ہے اورپر امن جدوجہد کو ختم نہیں کیا جا سکتا، ایک غلام قوم اپنی بقاء کی جنگ آخری سانس تک لڑتا ہے

بلوچستان کے شاہراؤں پہ خونی رقص جاری ہے۔ کچھ ہی گھنٹوں کے دورانیہ میں دو بڑے روڈ حادثات میں دو درجن سے زیادہ افرادجان کی بازی ہار چکے ہیں۔ ژوب میں آج صبح خوفناک حادثے کے بعد اب اطلاعات ہیں کہ بولان میں ڈھاڈر کچھی کے مقام پر ایک روڈ حادثے میں چار افرادجانبحق جبکہ پانچ زخمی ہوئے ہیں۔ خیال رہے کہ بلوچستان میں چند ہی گھنٹوں کے دورانیہ میں یہ دوسرا بڑا روڈ حادثہ ہے اس سے قبل راولپنڈی سے کوئٹہ جانے والیمسافر بردار بس حادثے کا شکار ہوئی تھی جہاں بس میں سوار 33 میں سے 23 افراد جانبحق ہوئے ہیں۔  بلوچستان میں اس طرح کے جان لیوا سڑک حادثات عام ہیں۔ سٹرکوں کی ناقص تعمیر  اور ٹریفک قوانین کو نظر انداز کرنے کے ساتھساتھ خراب حالت والی گاڑیاں ایسے حادثات میں مرکزی کردار ادا کرتے ہیں۔ سرکاری اعداد و شمار کے مطابق بلوچستان میں سالانہ سڑک حادثات کے نتیجے میں لقمہ اجل بننے والے افراد کی تعداد 8ہزار سےزائد ہے جبکہ 27 سے 30 ہزار افراد سڑک حادثات کے نتیجے میں زخمی ہو کر پوری زندگی کے لئے معذور بن جاتے ہیں۔

بلوچستان کے ضلع نوشکی میں آج صبح سے زمینی و فضائی فوجی آپریشن جاری ہے۔  اطلاعات کے مطابق نوشکی کے پہاڑی علاقے منجرو، مُخبلی، خوانکی، خاخوئی اور گرد نواح میں آج صبح سے گن شپ ہیلی کاپٹروںکی پروازیں جاری ہے، جبکہ علاقائی ذرائع کے مطابق مذکورہ علاقے میں جاری فوجی آپریشن میں پیدل فوجی دستے حصہ لے رہےہیں۔  خیال رہے کہ گذشتہ ماہ فورسز نے مذکورہ علاقے میں فورسز نے  دوران آپریشن بی ایل اے سے تعلق رکھنے والے دو افراد کو مارنے کادعویٰ کیا تھا۔  واقعہ کے متعلق بلوچ لبریشن آرمی کے ترجمان جیئند بلوچ نے میڈیا کو جاری بیان میں کہا تھا کہ نوشکی میں 6 جون 2022 بروزسوموار کو قابض پاکستانی فوج نے بلوچ لبریشن آرمی کے ایک بیس کیمپ پر حملے کی کوشش کی، دشمن کی پیشقدمی روکتے ہوئےبی ایل اے کے دو جانباز سرمچار شہید جبکہ طویل جھڑپ کے نتیجے میں دشمن فوج کے متعدد اہلکار ہلاک ہوگئے۔  تاہم آج ہونے والے فوجی آپریشن کے حوالے حکام کا موقف تاحال سامنے نہیں آیا ہے۔

بلوچستان کے ضلع ژوب میں مسافر کوچ کے حادثے میں 19 افراد جانبحق ہوگئے۔ اسسٹنٹ کمشنر شیرانی مہتاب شاہ نے بتایا کہ ہلاکت خیز واقعے کے نتیجے میں 14 مسافر...

کراچی میں بلوچ لاپتہ افراد کے لواحقین کی جانب سے قائم علامتی بھوک ہڑتالی کیمپ آج آٹھویں روز بھی جاری رہی- جبری گمشدگی کے شکار بلوچوں کے...

بلوچ لبریشن آرمی نے بولان میں فورسز پر حملے کی ذمہ داری قبول کرتے ہوئے کہا کہ اس حملے میں دو اہلکار ہلاک ہوئے ہیں۔

بلوچستان لبریشن فرنٹ نے ہیرونک میں پاکستانی فوجی قافلے پر حملے کی ذمہ داری قبول کر لی ہے۔ بلوچستان لبریشن فرنٹ کے ترجمان میجر...

بلوچستان کے ضلع آواران میں باراتیوں کی گاڑی کو حادثے کے نتیجے میں تین افراد جانبحق جبکہ  خواتین و بچوں سمیت 26 افرادزخمی ہوئیں ہیں۔ آواران انتظامیہ کے مطابق ہفتہ کے روز گیارہ بجے کے قریب آواران کے علاقے بزداد سے مالار جانے والی باراتیوں سے بھری زمباد پکاپ گاڑی ٹائر پھٹنے کے  سبب  بے قابو ہوکر الٹ گئی جس کے نتیجے میں دو خواتین اور  ایک مرد جانبحق ہوگئے ہیں- زخمیوں میں چند افراد کی حالت تشویشناک ہے جنہیں کراچی منتقل کیا جارہا ہے- آواران انتظامیہ کے مطابق حادثے میں 26 افراد زخمی ہوئے ہیں جنہیں طبی امداد دی جارہی ہے جبکہ لاشوں کو ضروری کارروائیکی بعد لواحقین کے حوالے کردیا گیا ہے-

بلوچ ریپبلکن گارڈز کے ترجمان دوستین نے کہا کہ گذشتہ شب ہمارے سرمچاروں نے  ڈیرہ مراد جمالی میں زیر تعمیر فوجی چھاؤنیکے مرکزی دروازے پر بارودی مواد نصب کرکے ریموٹ کنٹرول بم سے نشانہ بنایا۔ ترجمان نے کہا اس دھماکے کے نتیجے میں مرکزی دروازہ تباہ ہوا اور ڈیوٹی پر معمور دو اہلکار زخمی ہوئے۔ ترجمان نے آخر میں کہا کہ ہماری اس طرح کی کارروائیاں بلوچستان کی آزادی تک جاری رہیں گے۔