مشیر داخلہ بلوچستان ضیاء لانگو نے بلوچستان کے صنعتی شہر حب دھماکے میں بی اے پی کے سینئر رہنما آغا جبیب شاہ کے قتل کی مذمت کرتے ہوئے کہا ہےکہ حبیب شاہ کی بلوچستان اور پاکستان کے لیے قربانیاں کبھی فراموش نہیں کرینگے –
انہوں نے کہا کہ انکی موت نے بلوچستان میں امن دشمنوں کے خلاف جاری جہد کو تواناں کر دیا ہے-
ضیا لانگو نے کہا کہ مشکل کی اس گھڑی میں حبیب شاہ کے لواحقین کے غم میں برابر کے شریک ہیں،بلوچستان کے امن کو سبوتاژ کرنے کی کوششوں کو نست و نابود کر دیں گے-
مشیر داخلہ ضیا لانگو نے واقعہ کی فوری رپورٹ طلب کرلی ہے –
انہوں نے تمام سیکورٹی ادارے واقعہ میں ملوث عناصر کے خلاف گھیرا تنگ کریں، ملوث عناصر قانون سے کہیں نہیں چھپ سکتے جلد گرفت میں ہونگے –
انہوں نے کہا کہ واقعہ میں زخمی ہونے والوں کو ہر ممکن طبی سہولیات فراہم کیں جائیں گے –
یاد رہے کہ حبیب شاہ آج حب چوکی میں ایک بم دھماکے کے نتیجے میں ہلاک ہو گئے تھے –
