بلوچ ریپبلکن پارٹی کے مرکزی ترجمان شیر محمد بگٹی نے نے میڈیا کو جاری بیان میں کہا ہے کہ بی آر پی جرمنی زون کے زیر اہتمام ہنور شہر میں ایک احتجاجی مظاہرہ منعقد کیا گیا اور ایک آگاہی کیمپ لگایا گیا جہاں شہریوں کو بلوچستان میں جاری انسانی حقوق کے سنگین پامالیوں کے حوالے سے آگاہ کیا گیا۔
آگاہی کیمپ میں کارکنان نے شہریوں میں پمفلٹ تقسیم کی جن پر بلوچستان میں جبری گمشدگیوں، حراستی قتل، فوجی آپریشن کے بارے میں آگاہی دی گئی۔
اس دوران بی آر پی کے کارکنوں نے کہنا تھا بلوچستان میں ایسا کوئی دن نہیں گزرتا نہیں جب کوئی شخص لاپتہ نا ہوتا ہو۔
بی آر پی کے کارکنان نظیر گہرام، نور محمد، لال محمد اور رشید بلوچ نے انسانی حقوق کے عالمی اداروں سے اپیل کی کہ وہ بلوچستان میں جاری انسانی حقوق کی سنگین خلاف ورزیوں کا نوٹس لیں۔
