دردانی تاھیر بکشوک
ھمید بلوچ
دی بلوچستان پوسٹ
ما چوھانا نہ زانیں ما چے کنگ ءَ ایں۔ انچوکمالان بیبگر یک کسانیں درورے دیم ءَ آؤرت من پشل بوت آں کہ من وت ھوار آں
ھمے پھم ات راستے ما دلمانگو گیش ءُ پھمگ ءُ
زانت ءَ کم اجں دومی مردم بس بزان انت ماں چُشیں لائکیں انسانے ایں
ما ھر وھد ءَ وتی موبائلانی اسٹیٹساں کْوھنیں سوت ایر کن ایں۔
مراگشاں ءُ کْوھنیں سوتاں پر کن ایں۔
مزن مزنیں دیواناں کْوھنیں مردمانی بابت ءَ کسّہ کن ایں۔
کہ پلان پھلوان پلان گُشندہ چشیں ھستی بوتگ ءُ مئے زبان ءُ بلوچی ءِ براہ بوتگ انت ءُ ھست انت۔
دگہ چُش کہ پکنکاں 10 ہزار تْرنداپ کن ایںءُ دیووان بیت سُوت فیض محمد ۔ شراتون ۔ آمنہ توتی ۔ ءُ شمشُک ءِ پر بنت ءُ سیمی پیک ءَ گْوش ایں ھوڑے! بلوچ تئی راجدپتر سرچکار انت چہ ھر دابیں انساناں ۔ اڑے تو گوش بِہ دار چے گُشگ ءَ انت۔
دومی گْوش ایت بِہ جن اڑے کُسے ٹینگ یا اُستا۔
من نہ گُش آں کس پیکنک مہ کنت شراب مہ وارت سوت گوش مہ دار ایت۔ من بس وتی مناپکی گْوش ئے نہ زانتکاتی گْوش ئے یا مئے تبے انچیں۔
مزنیں مراگش کہ بنت ھمیشانی اَکس دیواراں درنجوک انت کہ مئے راجی بامرد۔
منی جند ءِ موبائل چہ کْوھنیں سوتاں سر ریچ انت کہ من وھدے کمو پریشان یا دگہ وڈ بَہ آں ھمیشاں گوشدار آں داں سُکون بَہ آں۔
ھو منی پریشانی ءُ دردانی درمان کنوک تئی زند باریں چون انت من ترا نہ زان آں۔۔۔۔
انچو یک کّسھے دانش بلوچ بلوچی زبان ءِ مزنیں ازمکارے کہ وتی زندے پہ بلوچی ءِ تامُر ساچی ءَ گْوازینت۔ یک روچے گْوش ایت من پہ مراگشے ءَ مند ءَ تربت ءَ ھمانگو شُتگ آں ۔ من وکار بلوچ بیتگیں موبائل ءِ وھد نہ بوتگ منی گْوھار آ وھدی سک نادراہ بوتگ من چہ پی ٹی سی ایل ءَ پون ئِے کُتگ ھال پُرسی کتگ ءُ گْوشتگ من ءَ ھمے لمبر ءَ گوں نزیکی بِہ کن ات۔
داں دومی روچ بوتگ شپ ءَ مراگش انت من وکار بلوچ تیار بیتگ ایں پہ مراگش ءَ داں مگرب ءِ وھد بوتگ پونے آتکگ چہ لوگ ءَ گْوھار بیران بیتگ۔
من ھُشک ھدا بوتگ آں اللہ نی چے بِہ کن آں آ وھد ءَ آمد ءُ رپت چو نہ بوتگ گڈا دل ءَ سنگے
پر کُتگ داں شپ بوتگ من وکار بلوچ تّلو ءِ سر ءَ سرجمیں شپ مھلوک کندینتگ ءُ مئے لُچّی ءُ مسکرائی ءَ چہ مُلکانی داد گپتگ بلے کس ءَ اے نہ زانتگ کہ من انوں کجام ءُ چے ھالتاں گوازگ ءَ آں
اشی تہ ءَ کسی کسور نیست منی گْوشگ ءِ مول مراد اش انت بزاں ازمکار چینچو کنت مئے درداں پریشانیاں دراداں چوں دُور کنگ ءِ جُھد ءَ کنت ءُ ما بس یک وھدے داد ئِے دے ایں بلے ھچبر پد ءَ سرپد نہ بَہ ایں ءُ نہ زانیں کجا انت۔
من زان آں پد ءَ یک کشیت کہ اے راج مُردگ پرستے من گْوش آں دریگتیں مُردگ پرستے بوتیں۔
بیگ محمد بیگل ءِ نمیرانی ءَ پد اگاں راج مُردگ پرستے بلے بیگل پد ءَ جنک کینسر ءِ آماچ بوت کس ءَ چُشیں کُمکے نہ کت۔
من گپ برے اے نیمگ برے آ نیمگ کت منی گپانی مول مراد بانک شُمشوک انت کہ یک کسانیں تامُرے کمالان بیگر پہ بانک ءِ کمک ءِ واستا جوڈ کتگ۔ اے گْوش ئے بلوچ زندمان ءِ راستی ءِ آدینک انت۔
من نہ گْوش آں کہ بلوچ سیر کروڈ پتی انت بلے ھست چُشیں کہ کُچک ءُ پس سیرلاپ انت۔ ماڈیانی سر اش آسمان ءَ انت۔ وھدے شراب ءُ کباب کن انت ھمے ساھت ءَ شُشُوک ءِ سوتاں گوں وتا تاھیر دے اَنت وتا ملما کن انت ءُ چار زاہ برے چار واہ واہ دمب ءَ بند انت۔۔۔
بلے شمشُک ءَ نانی چُنڈے گون اے دمک آ دمک چُنڈ ایت ءُ زھیر نال انت ءُ ما گْوش ایں سُر سنگیت ساز زیمل ءِ توتی الہان لتا جی ھدا ترا وش کنات یا واہ گْوش اَنت ساز ءُ زیمل ءِ مات ارواہ تئی آسودگ بات ءُ لتا جی ءِ نام ءِ 20 ءَ چہ گیش لنگر ءُ ادارہ پچ بیت کہ چریشی ءَ بزگ ءُ لاچاراں کُمک رس ایت۔
بلے مئے دلانی تاھیر بکشوک ءُ دردانی کم کنوک روح ءِ وشنود کنوک ءَ لوگے نیست ءُ نانے چُنڈے دست ءَ انت ءُ زھیر نال انت۔
وائے گلامی ترا لانت
دی بلوچستان پوسٹ: اے نبشتانک ءِ تہا درشان کُتگیں ھیال ءُ لیکہ نبشتہ کار ئے جِندئیگ اَنت، الّم نہ اِنت کہ دی بلوچستان پوسٹ رسانک نیٹورک ایشانی منّوک بہ بیت یا اگاں اے گل ءِ پالیسیانی درشانی اِنت۔
