پشاورمیں نامعلوم افراد کی فائرنگ سے سی ٹی ڈی کے سابق ڈی ایس پی غنی خان ہلاک ہوگئے۔
جمعرات کی صبح پشاور کے علاقے دلہ زاک ميں گاڑی پر فائرنگ کی گئی۔ واقعے میں سی ٹی ڈی کےسابق ڈی ایس پی ہلاک ہوگئے۔ فائرنگ سے غنی خان کے ساتھ موجود خاتون سميت 2 افراد زخمی بھی ہوئے۔
پولیس نے بتایا کہ غنی خان کے ساتھ ان کے اہل خانہ بھی موجود تھے۔ ابتدائی اطلاعات کے مطابق فائرنگ ان کے مخالفین کی جانب سے کی گئی دشمنی کے باعث کی گئی۔
لاشوں کو مردہ خانے اور زخمیوں کو اسپتال منتقل کردیا گیا ہے۔
