بلوچستان بار کونسل نے لورالائی میں سماجی کارکن ارمان لونی کی ٹارگٹ کلنگ کے واقعے کے خلاف کل بلوچستان بھر میں عدالتی کاروائی کے بائیکاٹ اور تین روزہ سوگ کا اعلان کردیا
بلوچستان بار کونسل کی جانب سے ایک بیان میں لورالائی میں دہشت گردی کے بڑتے ہوئے واقعات کے خلاف پرامن احتجاج پر فائرنگ اور سماجی کارکن کے شہادت کے واقع کی شدید الفاظ میں مذمت کرتے ہوئے کہا گیا ہے کہ حکومت عوام کے جان و مال کے تحفظ کرنے میں مکمل طور پر ناکام ہوچکی ہے ، دہشت گردانہ واقعات کے خلاف جلسے اور پرامن دھرنا لورالائی کے عوام کا بنیادی حق ہے مگر پرامن پروگرام کو پرتشدد بنا کر سیکورٹی ادارے عوام کو ان کا پرامن جدوجہد کا حق چھین رہے ہیں ۔
بیان میں کہاگیا ہے کہ بلوچستان بار کونسل لورالائی عوام کے ساتھ ہے اور بلوچستان بار کونسل مطالبہ کرتی ہے کہ ان واقعات کے حوالے سے پارلیمانی کمیشن مقرر کیا جائے اور واقع کی تحقیقات کرے اور ذمہ داروں کے خلاف فوری کاروائی عمل میں لائی جائے ۔
بیان میں بلوچستان بار کونسل بلوچستان نے پارلیمانی جماعتوں کے ساتھ مکمل یکجہتی کا اعلان کرتے ہوئے کل بلوچستان بھر میں عدالتی کاروائی کے بائیکاٹ اور تین روزہ سوگ کا اعلان کیا ہے۔
