چمن سے ممتاز معالج کو نامعلوم مسلح افراد نے اغواء کر لیا
دی بلوچستان پوسٹ نیوز ڈیسک کو موصول ہونے والی اطلاعات کے مطابق چمن سے چیسٹ اسپیشلسٹ کو نامعلوم مسلح افراد نے اغواء کرلیا ۔
تفصیلات کے مطابق بلوچستان کے سرحدی علاقے چمن سے ممتاز معالج ڈاکٹر محمود انور کو نامعلوم مسلح افراد نے اغواء کرنے کے بعد چمن کے پہاڑی سلسلے کی جانب فرار ہوگئے ۔
علاقائی ذرائع کے مطابق ڈاکٹر محمود انور کو اغواء کرکے پہاڑی علاقے کی جانب فرار ہونے کے بعد لیویز فورسز نے اغواءکاروں کا تعقب کرتے ہوئے ایک گھنٹے بعد مغوی ڈاکٹرکو بازیاب کرلیا ۔
اسسٹنٹ کشنر چمن کا کہنا ہے کہ بغر ہ کے پہاڑی سلسلے میں لیویز اہلکاروں اور اغواکاروں کے درمیان فائرنگ کا سلسلہ جاری ہے ۔
ان کا مزید کہنا ہے کہ ہم اغواکاروں کو زندہ گرفتار کرنے کی بھر پور کوشش کریں گے۔
