پاکستان کو قرض لینے والے ممالک کے گروپ ’باروئرز پلیٹ فارم‘ کی گورننگ کونسل کا چیئرمین بنایا گیا ہے۔
یہ پیشرفت اس وقت سامنے آئی جب پیر کو تھائی لینڈ کے شہر بینکاک میں عالمی بینک (ورلڈ بینک) گروپ اور بین الاقوامی مالیاتی ادارے (آئی ایم ایف) کا سالانہ اجلاس ہوا۔
پاکستان کی وزارتِ خزانہ کی جانب سے سوشل میڈیا پلیٹ فارم ایکس پر جاری تفصیلات کے مطابق، اس اجلاس کے دوران وزیرِ خزانہ سینیٹر محمد اورنگزیب نے ’باروئرز پلیٹ فارم کی گورننگ کونسل کی چیئرمین شپ قبول کی۔‘
اس موقع پر انھوں نے کہا کہ پلیٹ فارم کو ’مل کر سیکھنے‘ اور ’تکنیکی تعاون‘ کے فروغ کا ذریعہ بننا چاہیے۔
