بلوچستان لبریشن فرنٹ کے ترجمان گہرام بلوچ نے نامعلوم مقام سے سیٹلائٹ فون کے ذریعے بات کرتے ہوئے کہا کہ جمعہ13 اپریل کو سرمچاروں نے ضلع آواران کولواہ کے علاقے ساجدی بازار میں فوجی قافلے پر حملہ کیا۔ ایک ٹرک اور لینڈ کروزر کو راکٹ اور خود کار بھاری ہتھیاروں سے نشانہ بنا کر تین اہلکاروں کو ہلاک کیا جبکہ تین سے زائد زخمی ہوئے ہیں۔
گہرام بلوچ نے کہا کہ گیارہ اپریل کو سرمچاروں نے مند کے علاقے اپسار میں فوجی چیک پوسٹ پر اسنائپر رائفل سے حملہ کرکے ایک اہلکار کو ہلاک کیا۔
ترجمان نے آخر میں کہا کہ ہمارے ایسے حملے بلوچستان کی آزادی تک جاری رہیں گے۔
