بلوچستان کے ضلع کیچ اور بولان میں پاکستانی فورسز کی نقل و حرکت میں اضافہ، فورسز بھاری جنگی سازوسامان کے ساتھ پیش قدمی کی اطلاعات ہے۔
تفصیلات کے مطابق ضلع کیچ کے علاقے دشت میں واقع سیاہجی کے پہاڑی سلسلے میں پاکستانی فوج کی جانب سے آپریشن کی جاری ہے، دھماکوں اور فائرنگ کی آوازیں سنائی دے گئی ہی۔
ذرائع کے مطابق، گزشتہ روز صبح کے وقت پاکستانی فورسز کے جانب سے فوجی آپریشن کا آغاز کیا گیا، جبکہ شام کے وقت فائرنگ اور دھماکوں کی آوازیں سنائی دیں، گمان کیا جارہا ہے کہ فورسز اور مسلح افراد کے درمیان جھڑپ ہوئی ہے۔
تاہم اس حوالے سے حکام کی طرف سے کوئی موقف پیش نہیں کیا گیا ہے ۔
علاوہ ازیں بولان کے علاقے مچھ میں پاکستانی فورسز کی بڑی تعداد مرکزی کیمپ پہنچ گئے ہیں۔ جس سے علاقے میں فوجی آپریشن کا خدشہ ظاہر کیا جارہا ہے۔
واضح رہے کہ بلوچستان کے مختلف علاقوں میں پاکستانی فورسز کے آپریشنز جاری ہیں، جہاں فورسز اور مسلح افراد کے درمیان جھڑپیں بھی ہوئی ہیں ۔
یاد رہے کہ ان علاقوں میں مقامی لوگوں میں خوف ہراس پھیل گیا ہے انہوں نے ایک بار پھر خدشہ ظاہر کیا ہے کہ فورسز مسلح افراد کے خلاف آپریشن کے نام پر مقامی آبادی کو نقصان پہنچا سکتا ہے اور لوگوں کو بڑی تعداد میں جبری گمشدگی کا خطرہ ہے ۔
