خضدار سے اطلاعات ہیں کہ بلوچ راجی مچی کیلئے خضدار میں چاکنگ کے دوران بلوچ یکجہتی کمیٹی کے اراکین کو پاکستانی فورسز نے کئی گھنٹوں گھیراؤ میں لے کر حراست میں لیا ہے۔
بلوچ رہنما ڈاکٹر ماہ رنگ بلوچ نے کہا ہے کہ جبری گمشدگی کے شکار آصف اور رشید کی بہن سائرہ اور ان کے ہمراہ دیگر خواتین کو خضدار شہر کھنڈ روڈ سے ایف سی کے کارندوں نے غیر قانونی حراست میں لیا ہے اور ان کو نامعلوم مقام پر منتقل کررہے ہیں اور عوام کے ان قریب جانے نہیں دے رہے ہیں۔
انہوں نے کہاکہ یہ عمل جلتی پر تیل پھینکے والا کام ہے، اس ریاست کے نالائق حکمران اور اداروں کو کچھ بھی اندازہ نہیں ہے کہ وہ کیا کررہے ہیں۔ اگر سائرہ، سعدیہ اور دیگر بلوچ بہنوں کو فوری طور پر رہا نہیں کیا گیا تو بلوچ یکجہتی کمیٹی بہت جلد اپنے آئندہ کے لائحہ عمل کا اعلان کریگی۔
بی وائی سی خضدار نے بتایا کہ سائرہ اور ساتھیوں کو ایف سی گاڑیوں میں نامعلوم مقام منتقل کیا جارہا ہے جبکہ انکی گرفتاری کے خلاف سراپا احتجاج پر فائرنگ کی گئی ہے۔
