افغان حکام کے مطابق افغانستان کے مشرقی صوبہ نورستان سے ہفتے کے روز صوبہ نورستان کے ضلع کامدیش میں ڈیورنڈ لائن سے افغانستان کی جانب دراندازی کی کوشش ناکام بنا دی گئی۔
افغان حکام کے مطابق ‘شر و فساد گروہ’ (افغانستان فریڈم فرنٹ/اے ایف ایف)، داعش کے ساتھ مل کر امن و امان بگاڑنے کے لیے نورستان میں دراندازی کی کوشش کررہاتھا۔
مزید کہنا ہے کہ افغان سرحدی فورسز نے کاروائی کرتے ہوئے ‘شر و فساد گروہ’ اور داعش کے دس ارکان کو ہلاک و کئی کو زخمی کردیا جبکہ چھ ارکان گرفتار بھی کیے گئے۔
گرفتار کیئے گئے افراد کو ویڈیوز میں کہتے ہوئے سنا جاسکتا ہے کہ انہیں ایران سے پاکستان کے علاقے چترال منتقل کیا گیا جہاں انہوں نے پاکستانی فوج کے کیمپوں میں تربیت حاصل کی۔
