بلوچستان کے ساحلی شہر گوادر میں پورٹ کے سامنے دھرنے پر فورسز کی کریک ڈاؤن کے بعد شہر میں پرتشدد مظاہروں کے پاداش میں ہدایت الرحمان سمیت حق دو تحریک کی قیادت کیخلاف 17 مقدمات درج ہونے کا انکشاف ہوا ہے-
ذرائع کے مطابق مقدمات میں قتل، اقدام قتل، انسداد دہشتگردی، دھماکا خیز مواد ایکٹ، جلاؤ گھیراؤ، کارسرکار میں مداخلت جیسی دفعات لگائی گئی ہیں-
حکومت کی جانب سے مقدمات کی تعداد سے متعلق کوئی تصدیق نہیں کی گئی ہے۔
دوسری جانب مولانا ہدایت الرحمان نے کہا ہے کہ حق دو تحریک کے سینکڑوں کارکنان اور صورتحال کی کوریج کرنے والے صحافیوں کے ساتھ میرے بھائی اور دو بھتیجوں کو گرفتار کرکے جیل بھیجا گیا ہے۔
انہوں نے کہا کہ قربانیاں دیں گے مگر حقوق کی جدوجہد سے پیچھے نہیں ہٹیں گے۔
