بلوچستان کے ضلع کیچ کے تحصیل مند کے پہاڑی علاقے شیراز میں پاکستانی فورسز کو حملے میں نشانہ بنایا گیا ہے۔
تفصلات کے مطابق نیلگ اور چُکاپ کے درمیان چُکاپ کئور (ندی) میں پاکستانی فورسز کے قافلے پر گھات لگائے مسلح افراد نے بھاری ہتھیاروں سے حملہ کیا۔
ذرائع کے مطابق حملے میں فورسز کی ایک گاڑی کو شدید نقصان پہنچنے کے ساتھ اہلکاروں کی ہلاکت و زخمی ہونے اطلاعات ہیں۔
پاکستانی فوج کے شعبہ تعلقات عامہ (آئی ایس پی آر) نے واقعے کی تصدیق کرتے ہوئے کہا کہ نامعلوم افراد نے سیکیورٹی فورسز پر گشت کے دوران فائرنگ کی۔ جس سے چار اہلکار ہلاک ہوگئے۔
حملے کے بعد ضلعی ہیڈ کواٹر تربت سے دو گن شیپ ہیلی کاپٹروں کو مند کی جانب پرواز کرتے دیکھا گیا ہے۔ عینی شاہدین کے مطابق شیزاز کے پہاڑی سلسلے میں شیلنگ کی جاری ہے۔
