بلوچستان کے ضلع پنجگور میں پاکستان فوج نے زمینی اور فضائی آپریشن کا آغاز کردیا ہے، کئی مقامات پر گن شپ ہیلی کاپٹروں کے شیلنگ کی اطلاعات ہیں۔
فوجی آپریشن کیکلور کے مختلف علاقوں دشتک، شینزدان، جنچوپ، مادگ اور گردونواح میں کی جارہی ہے۔
فورسز کی زمینی دستوں کے علاوہ گن شپ ہیلی کاپٹر علاقے میں موجود ہیں جبکہ کئی مقامات پر ہیلی کاپٹروں نے شیلنگ کی ہے تاہم علاقے میں موبائل نیٹورکس بند ہونے کے باعث فوری طور پر جانی اور مالی نقصانات کے حوالے سے معلومات نہیں مل سکی ہے۔
حکام نے آپریشن کے حوالے سے تاحال کوئی موقف پیش نہیں کیا ہے۔
