کروناوائرس کے پیش نظر کوہ مراد زیارت پر پابندی عائد کردی گئی

بلوچستان کے ضلع کیچ کے مرکزی شہر تربت میں زکری فرقہ کی مقدس زیارت گاہ کوہ مراد میں کروناوائرس کے پیش نظر اجتماعات پر پابندی عائد کردی گئی ہے –

تفصیلات کے مطابق ضلعی انتظامیہ نے کروناوائرس کے تیسرے لہر کے پیش نظر یہ پابندیاں عائد کی ہیں –

ضلعی انتظامیہ کی جانب سے جاری کردہ نوٹیفکیشن کے مطابق کوہ مراد کی زیارت پر 12 مئی تک پابندی عائد ہے –

خیال رہے کہ زکری فرقہ سے تعلق رکھنے والے لوگ رمضان المبارک کے آخری عشرے میں ہزاروں کی تعداد میں کوہ مراد کی زیارت کرتے ہیں –