بولان میں گذشتہ روز بھی پاکستانی فورسز کے چوکی پر حملے کے بعد مسلح افراد نے ریلوے لائن کو دھماکے سے تباہ کیا تھا جس کی ذمہ داری بلوچ لبریشن آرمی کے ترجمان جیئند بلوچ نے قبول کی تھی۔
اطلاعات کے مطابق آج دوسرے روز بھی بولان و مچھ کے علاقے سی خونی میں پاکستانی فورسز کے پیدل گشت کرنے والے اہلکاروں پر بم حملہ کیا گیا ۔
مقامی ذرائع سے موصول ہونے والی اطلاعات کے مطابق بم دھماکے کے نتیجے میں پاکستانی فورسز کو جانی نقصان کا بھی سامنا کرنا پڑا ۔
تاہم اب تک پاکستان کی عسکری حکام کی جانب سے بم دھماکے میں جانی نقصان کی تصدیق و تردید نہیں کی گئی ہے۔
اور نہ ہی تاحال اس حملے کی ذمہ داری کسی مسلح گروپ نے قبول کی ہے۔
خیال رہے کہ مذکورہ علاقوں میں آئے روز مسلح افراد پاکستانی فورسز کو نشانہ بناتے ہیں ۔
