دی بلوچستان پوسٹ ویب ڈیسک کو موصول ہونے والی آمدہ اطلاعات کے مطابق بلوچستان کے علاقے زامران نوانو سے ایک اور بلوچ نامعلوم مسلح افراد کے ہاتھوں گرفتاری کے بعد لاپتہ ہوگئے ہیں۔
مزید تفصیلات کے مطابق لاپتہ شخص کی شناخت عبدالرزاق ولد داد محمد کے نام سے ہوئی ہے، جو نوانو زامران کا ہی رہائشی بتایا جاتا ہے۔
علاقائی ذرائع کے مطابق عبدالرزاق علاقائی مسجد کے پیش امام تھے، جو مسجد نماز پڑھانے گئے تھے اور پھر واپس نہیں آئے۔
دریں اثناء بلوچستان کے ضلع کیچ سے ایک لاپتہ بلوچ امین ولد محمد جو کے منند کولواہ بدرنگ کا رہائشی ہے منظر عام پر آگئے ہیں اور اپنے گھر پہنچ گئے ہیں۔ جبکہ انکے ہمراہ اغواء ہونے والے عالم ولد بوھیر تاحال لاپتہ ہیں۔
