شہید بھگت سنگھ آئیءِ سنگتانی بابتءَ – کریاب بلوچ.

399

23 مارچ ءُ راجدپتر.

شہید بھگت سنگھ آئیءِ سنگتانی بابتءَ

کریاب بلوچ.

ہندوستانءِ آجوھی ءُ زرمبشءِ بامرد بھگت سنگھ ءُ آئیءِ ہمراہ کامریڈ سکھ دیو تھاپر، شیوا رام راج گرو لاھورءِ بندیجاہءَ پاھو دیّگ بنت.

برطانوی سامراجی ریاست چہ اے گوریلا تبّیں جُہدکارانی زرمبشءَ چہ سک تُرسءِ آماچ ات.

برطانوی سامراجی ریاستءَ اے ورناہانی پاھو دیّگ شہید کنگ سک گرانءَ کپیت، پرچہ کہ اشانی شہادتءَ ہندوستانی راج سک زہر گیپت ءُ توامیں ہندوستانءَ برطانوی سامراجءِ ھلاپءَ زھرشانی کنت ءُ جاور نہ گیگ بنت.

1932ءَ برطانوی پادری سی ایف انڈریوز نبشتہ کنت”ہندوستانءِ جاور  19سد سال پیشیگیں ریاست رومءِ ترانگءَ گیج ایت کہ ھودا ہم سر زاہرءَ پُر ایمنءِ ریاستءِ ات بلے ریاستءِ تہءُ توکا گُشے کوھ جُنزگ ءَ اِتاں چو گُشے زمین میانءَ دو ٹُکر بیت”

1917 ءَ روس ءِ بیتگیں بالشویک زرمبشءَ ہندوستانی راجے سرا باز اسر دؤر دات. چو دُنیاہے دگہ مُلکانی پیما ہندوستانءِ تہءَ ھوں مہلوک بالشویک زرمبشء بابتءَ جیڑگ ءَ اِتاں. ہندوستانی ورنا چہ بالشویک زرمبشءَ باز اسرمند بنت ، ورناہانی ہندوستان سوشلسٹ ریولوشنری آرمی (ایچ ایس آر اے) بُنیاد ایر کنّگ ہندوستانی راجءِ چاگردی بدلیانی یک سرشون ءِ ات.

بھگت سنگھ،سھک دیو،راج گرو،چندر شیکّر آزاد،بی کے دتءُ دگہ ورناہانی زرمبشءَ توامیں ہندوستانی ورنا جیڑگ پرمات انت.

ہمے وھدءَ لاھور ریل اسٹیشنءَ دہھکانانی لیڈر لالا لجپت رائےءَ سائمن کمیشنءِ ھلاپ زھرشانی کُت ہمے زھرشانی ءَ پولیس ءَ لالا لجپت راہے لٹ کُٹ کُت کہ چہ ہمے ٹپ ءُ ٹوراں 17نومبر1928 لالا لجپت رائے شہید بیت.

(ایچ ایس آر اے)  لالا لجپت رائےءِ بیرگیریءَ سرگیپت گّل ءِ

سپاہیگ 8اپریل1929ءَ اسسٹنٹ سپریٹنڈنٹ پولیس جان پیانٹس سانڈرس ءِ سرا تیرگواری کن انت ءُ چہ ہمے تیرگواریءَ مِریت.

بھگت سنگھ ءُ آئیءِ سنگت ہمے افسرءِ کوُش ءُ دہلی ءِ قانود سازیں اسمبلیءِ سرکاری مہلونکانی سرا بمب اُرشءِ الزام ءَ دزگیر کنّگ بنت.

پنچ ماہاں اشانی سرا قانودی چِست ءُ ایر بنت پیشی بنت،ہمے پیشی آنی میانءَ بھگت سنگھ ءُ آئیءِ ہمراہانی زرمبشی گپ تران ھالتاکاں چاپ بنت کہ اے توامیں ہندوستانءِ مہلوکءَ سر بنت ہندوستانی ورنا چہ ہمے ھالتاکانی تہا شنگ بیتگیں زرمبشی جاراں چِست بنت. بھگت سنگ ءُ  آئیءِ سنگتانی ھاترءَ پاد کاینت.

چہ ہمے ورناہانی زھرشانیءَ برطانوی سامراج ءُ دگہ آجوھی لوٹوکیں لیڈر ھوں پریشان بنت کہ آہانی سیاست چو دیم روھی کنت.

7اکتوبر 1930 ءَ جسٹس اے آر کولڈ سٹریمءَ جارے شِنگ کنت، جارے رِدا شاھد،گُناھگار ءُ وکیل اشانی آمیدگسءَ  پیش بیّگءِ ہچ ضرورت نہ انت،بزاں آمیدگس ءُ آئیءِ مستر وت فیصلہ کن انت.

یک پٹءُ پولےءِ رِدا اگہ ایمنی لوٹوکیں گاندھیءَ بلوٹ اتیں تا ایں ورناہانی پاھوںءِ سِزا ھلاس بیتگ ات.

گاندھی آ وھدی برطانوی وائسرائے لارڈ اروِن ءَ گوں یک منّگ نامہءِ سرا ھال اھوالءُ ترانءَ بوتگ ءُ گاندھی ءَ اگہ ورناہانی پاھوے سِزا کم کنگءِ لوٹ بکُتیں  تا آیانی سِزا بدل  بیتگ ات.

گاندھی ءُ اروِن منّگ نامہ 19مارچ 1931 ءَ دیما کئیت. مہلوک چہ ہمے منّگ نامہءَ سک دلپروش بنت کہ گاندھیءَ بھگت سنگھ ءُ آئیءِ سنگت راج گرو. سکھ دیو  پرچہ ڈالچار کُتگ انت.

کانگریس ءِ نامیگیں لیڈر ڈاکٹر سبھاش چندر بوس ءَ سک دلپدردی ءُ زھریگی جار جنت کہ “برطانوی سامراج ءُ ہندوستانی راجءِ میانءَ ھون و جونانی کوھ ایں  مِک انت.  برطانوی ءُ  گاندھی ءِ میانءَ بوتگیں منّگ نامہءَ قبول کُت  نہ کن ایں”.

گاندھی ءُ اروِن ءِ گِند و نِند ءِ وھدءَ بھگت سنگھ ءُ آئیءِ سنگتاں یک پیغامءِ وائسرائے سرا دیم دات، اشاں پاھوءِ سِزائے بدل کنّگءِ لوٹ کُت ءُجنگی بندیگانی قانودانی لوٹ کُت ءُ گُشت ماں جنگی بندیگیں مارا ہما وڈ سِزا دیّگ بہ بیت. بزاں ماراں دُرستاں پاھو ءِ بدلءَ تیر جنّگ بہ بیت. رندا کراچیءَ آل انڈیا کانگریس کمیٹی(اے آئی سی سی)ءِ دیوان ءَ ہمے توار بُرز شُت انت کہ گاندھی ءِ منّگ نامہءَ ورنا کُشارینتگ اَنت.

بھگت سنگھءِ شہادتءَ چندیں سال ءُ دھکاں پد پاکستانی ءُ ہندوستانی  دانشوراں ءُ سیاست زانتاں بھگت سنگھ ءِ پِت پیروکی میراث ھلاس کُت انت، پاکستان ءِ ریاستی زوراک مُلاہاں بھگت سنگھ کافر قرار دات ءُ آئیءِ حقیقی فکر ھلاس کنّگءِ باز کوشست کُت.

ہندستان ءِ تہءَ  بھگت سنگھ ءِ سوشلسٹ ءُ زرمبشی فکرءِ پیغام مٹ کنّگ بوت انت ءُ آئی ءَ یک گوریلا کماندار ءُ جزباتی تبءِ مردمءِ پیش دارگ بوت. چہ ہمے کاراں آئیءِ حقیقی سوشلسٹ  فکر گار ءُ گمساری ءِ ھساب ءَ انت.

بھگت سنگھ ءَ اینگلز،لینن،ٹراٹسکی و مارکس وانّگءَ باز دوست بیتگ انت ءُ بالشویزم زرمبش ءُ سوشلزم ءِ سک گپ ءِ کُتگ.

بھگت سنگھ ءِ ارکایؤز تہءَ یک ھالتاکے ءِ  تہءَ نبشتانکءِ ہست کہ”21 جنوری 1930 لاھور ءَ آمیدگس ءَ وھدے بھگت سنگھ ءُ آئیءِ سنگت پیش بنت آہانی سرا سُہریں پُچھ ایں بندوک بیت، آمیدگسءِ کارمسترے نِندگءَ گوں بھگت سنگ ءُ آئیءِ سنگت اے نعرہءَ گُشنت کہ. “لینن ابدمانءِ سامراج مُردگ بات”.

شری رام بخشی وتی کتاب  “بھگت سنگ اور اس کا نظریہ”. تہءَ نبشتہ کنت کہ بھگت سنگ آمید گس ءَ یک کاگدے وانیت گُشیت”انقلاب سے ہمارا مراد ایک ایسے سماجی نظام کا قیام ہے جس میں پرولتاریہ کا اقتدار تسلیم ہو اور ایک عالمگیر فیڈریشن کے ذریعے نسلِ انسانی سرمایہ داری، مصائب اور سامراجی جنگوں کی غلامی سے آزادی پا لے۔ ‘‘

سال 2002 ءَ باز پٹ پولءَ رند ہندستانی تامور ساچ “راج کمار سنتوشی”ءِ اڈ داتگیں تامور “دی لیجنڈ آف بھگت سنگھ” تہءَ بھگت سنگھ ءِ یک گُشتانک ءِ

’’ہمیں ایسی آزادی نہیں چاہیے جہاں انگریز حکمرانوں کی جگہ مقامی اشرافیہ لے لیں، ہمیں ایسی آزادی نہیں چاہیے جس میں غلامی اور استحصال پر مبنی یہ بوسیدہ نظام قائم رہے.

ہماری لڑائی ایسی آزادی کے لیے ہے جو اس ظالمانہ نظام کو ایک سوشلسٹ انقلاب کے ذریعے بدل کر رکھ دے۔”

ماراں بلوچاں ھوں ہمے فکر کنّگی انت کہ ماں چونے آجوھیءِ لوٹ  بہ کن ایں؟

ماں بلوچ اِنت یک جتاھیں راج ءُ جتاھیں فکرئے ءِ واُہندیں مئے  جنجال دگر انت مئے دُشمن دِگر اِنت مئے جنگ ھوں جتاھیں اصولانی بُنیاد ءَ بہ بیت،