بلوچستان کے ضلع کیچ کے تحصیل تمپ میں ایک گھر میں گولہ گرنے سے ایک ہی خاندان کے 3 افراد زخمی ہوگئے۔
ذرائع کے مطابق تحصیل تمپ کے علاقے میں دو طرفہ فائرنگ کے تبادلے کے بعد پنجوئے ڈن میں موسیٰ نامی شخص کے گھر میں گولاگرنے سے موسیٰ سمیت اس کی بیوی حفیظہ اور بیٹی مائیکان زخمی ہوئے جبکہ حفیظہ کی حالت تشویشناک بتائی جاتی ہے جنہیںفوری طور پر علاج کے لئے تربت منتقل کیا گیا ہے۔
اطلاع ملتے ہی تمپ پولیس نے جائے وقوعہ کا معائنہ کیا۔ عینی شاہدین کے مطابق رات گیارہ بجے کے قریب شدید فائرنگ اور تیں گولےگرنے کی آواز سنی گئی تھی۔
واضح رہے کہ کچھ عرصہ قبل اسی محلے میں گولہ گرنے سے خاتون شہید ہوگئی تھی جس کے بعد پاکستانی فورسز کیخلاف علاقہمکینوں نے احتجاج کیا۔
