کیچ کے علاقے دشت میں پاکستانی فورسز نے چھاپہ مار کر دو افراد کو گرفتار کرکے نامعلوم مقام پہ منتقل کر دیا ۔
ٹی بی پی نیوز ڈیسک رپورٹ کے مطابق ضلع کیچ کے علاقے دشت مچات میں پاکستانی فورسز نے چھاپہ مار کر دو افراد کو لاپتہ کردیا۔
لاپتہ افراد کی شناخت عثمان ولد ماسٹر سخی اور شریف ولد سلیم کے نام سے ہوئی۔
بلوچستان میں لاپتہ افراد کا مسئلہ دن بدن گھمبیر صورتحال کی شکل اختیار کرتا جارہا ہے۔
بلوچستان کے سیاسی جماعتوں اور تنظیموں کی جانب سے لاپتہ افراد کی بازیابی کےلئے گذشتہ طویل عرصے سے کوششیں جاری ہیں اور ساتھ ہی کوئٹہ پریس کلب کے سامنے گذشتہ ایک دہائی سے ماما قدیر بلوچ اور نصر اللہ بلوچ کی سربراہی پرامن احتجاج بھی جاری ہے ۔
