سیزدہ نومبر هماهانی نامء َ کہ زمین ئے سُہررنگیءَ همایانی نام مان انت ۔
نبشتہ کار: شیرین بلوچ
دی بلوچستان پوسٹ
13 نومبر 1839 ءَ میر مہراب خان پہ وتی سرزمینءُ وت واجہی ءٍ ھاترا گوں بریٹش لشکرءَ جنگ کنت اے جنگءَ میر مہراب خان ءٍ همراه 300 بنت ءُ دومی نیمگءَ بریٹش لشکر ءٍ تعداد 7000 بیت سئے سدیں ملیں مزار گوں بریٹش ءِ (7000) هفتیں ہزار لشکر ءِ گوما جنگ ءَ پُشتءَ نہ کنزیتءُ جنگ کنت همے جنگءَ میر مہراب خان جنگ بیتءُ بریٹش لشکر باج بارت.
اے روچ ءِ شہید بوتگیں بلوچانی قربانیءَ پد بلوچ وتی جہد آجوئی ءِ دیما برگءِ منوک انت-
1839ءَ بگر داں مرچی 179 سال ءِ بلوچءِ جہدآجوئی ءِ روانی اِنت کہ روچ مروچی هم برجا انت اے سالانی تہا بےکساس بلوچ ورنا، پیریں، چُک ءُ زالبول مزن داں کسان بازینیں شہید کنگ بوتگ۔
قومی جہدانی تہا الم گلامیں راج ظالم ءِ هرچ ظُلم ءِ سگگ ءَ نہ من اِیت ءُ جہد کنت کہ وتا چہ ظالمءِ زلم ءِ بستگیں سانکلاں آجو بہ کنت۔
پہ وتا آجوئیں زمین ءِ سرا یک ایمن ایں زندءِ ودی بکنت۔
جُہدے آجوئی ءِ راه ءَ قوم ءِ تہا الم کُشتءُ کُوشی بنت مردم جنگ بنت هونانی کورتچیت بالاچ ءِ سرزمین ءِ سرا شہیدانی رتکگیں هون پہ بلوچ ءَ وت واجہیءُ آجوئیں سرزمین ءِ تلب ءِ سکین بوتگءُ انگت هم استیں۔
بلوچ شہیدانی اے هونءِ ھارے زور انچو زورآوار اِنت کہ بلوچ ءِ تہا دُژمن ئے جوڈ کُتگیں وت ما وتی کست ءُ کینگءَ هم شودیتءُ گار کنت۔
13 نومبر بلوچ سرزمین ءٍ هما شہیدانی نام ءَ انت کہ پہ زمینءَ وتی هون ریتکگ ئے ءُ اے روچ ءَ کُلیں شہید یاټ کنگ بنت۔
وهد ءُ جاورانی نگیگی چو کُنٹگءَ دیما ایر انت اے راه ءَ یاد هونیں بنت یا ٹیکی ژند بنت توکل جواب دنت۔
بلے!!!
پہ منا ھیب انت راهءِ نیما دمبرگ۔۔۔۔۔۔۔۔
دی بلوچستان پوسٹ : اے نبشتانک ءِ تہا درشتان کُتگیں ھیال ءُ لیکہ نبشتہ کار ۓ جندءِ گنت، الم نہ اِنت کہ دی بلوچستان پوسٹ رسانک نیٹورک ایشانی منوک بہ بیت یا اگں اے گل ءِ پالیسیانی درشانی اِنت۔
