ہرنائی میں نوجوان لڑکا اور لڑکی کو مردہ حالت میں برآمد کرلیا گیا۔
تفصیلات کے مطابق ہرنائی کے علاقے شاہرگ کلی امبو ایریا میں ایک نوجوان لڑکا اور لڑکی مردہ حالت میں پائے گئے، لیویز نے لاشوں کو اپنی تحویل میں لے کر سول اسپتال شاہرگ منتقل کردیا۔
لیویز حکام کے مطابق مقتول نوجوان کی شناخت 22 سالہ فیض اللہ ولد قاہر قوم نورزئی سکنہ بوستان ضلع پشین سے ہوئی جبکہ لڑکی کی شناخت 23 سالہ ثمینہ بی بی ولد عبدالسلام قوم سلیمان خیل سکنہ حال شاہرگ سے ہوئی ہے۔
لیویز کے مطابق قتل کی وجہ تاحال معلوم نہیں ہوسکی، تاہم واقعہ کی تحقیقات شروع کردی گئی ہیں۔
