بلوچستان کے ضلع کیچ کے علاقے دشت میں پاکستانی فورسز کی فائرنگ کے ایک واقعے میں دو افراد کے جاں بحق اور دو کے زخمی ہونے کی اطلاعات سامنے آئی ہیں۔
مقامی ذرائع کے مطابق یہ واقعہ اس وقت پیش آیا جب ایک گاڑی میں سوار افراد پر پاکستانی فورسز کے اہلکاروں کی جانب سے فائرنگ کی گئی۔
ابتدائی اطلاعات میں دعویٰ کیا جا رہا ہے کہ گاڑی میں سوار افراد افغان مہاجرین تھے، تاہم اس حوالے سے سرکاری سطح پر تاحال کوئی تصدیق نہیں کی گئی۔
حکام کی جانب سے واقعے کی وجوہات، فائرنگ کے محرکات یا اس میں ملوث افراد کی تفصیلات کے بارے میں کوئی باضابطہ بیان جاری نہیں کیا گیا، جس کے باعث صورتحال ابھی تک غیر واضح ہے۔
ذرائع کا کہنا ہے کہ زخمی ہونے والے افراد کو فوری طور پر قریبی طبی مرکز منتقل کر دیا گیا ہے جہاں انہیں طبی امداد فراہم کی جا رہی ہے۔
