بلوچستان کے مرکزی شہر کوئٹہ اور خضدار میں دو الگ الگ نوعیت کے بم دھماکوں میں لیویز فورس اور سی ٹی ڈی اہلکاروں کو نشانہ بنایا گیا ہے۔
سی ٹی ڈی اہلکاروں کو کوئٹہ کے علاقے مغربی بائی پاس مینگل آباد کے قریب نشانہ بنایا گیا ہے۔ اطلاعات کے مطابق دھماکہ میں دو اہلکار زخمی ہوئے ہیں جنہیں زخمی حالت میں اسپتال منتقل کردیا گیا ہے۔
دوسری جانب ضلع خضدار کے تحصیل زہری سے اطلاعات ہیں کہ لیویز اسٹیشن کو دستی بم حملے میں نشانہ بنایا گیا ہے۔
لیویز کے مطابق دستی بم دھماکے میں کسی قسم کا جانی نقصان نہیں ہوئی ہے جبکہ حملہ آور فرار ہونے میں کامیاب ہوگئے ہیں۔
تاہم دونوں کی حملوں کی ذمہ داری تاحال کسی نے قبول نہیں کی ہے۔
