بلوچستان کے ضلع کیچ سے پاکستانی فورسز نے جمعے کے روز دوپہر دو بجے کے قریب تین افراد کو حراست میں لینے کے بعد نامعلوم مقام پر منتقل کردیا جس کے بعد ان کے حوالے سے کسی قسم کی معلومات نہیں مل سکی ہے۔
لاپتہ ہونے والے افراد کی شناخت نادل ولد دلمراد، قدیر جان ولد علی بخش اور محمد حاصل ولد محمد کے ناموں سے ہوئی ہے۔
ذرائع کے مطابق لاپتہ ہونے والوں میں نادل اور قدیر بالگتر کے رہائشی ہیں اور وہ اپنے رشتہ داروں سے ملنے شاپُک آئے ہوئے تھے جہاں وہ جبری گمشدگی کے شکار ہوئے۔
خیال رہے کہ بلوچستان میں جبری گمشدگیوں کے واقعات پچھلے ایک دہائی سے زیادہ عرصے سے جاری ہیں وہیں لاپتہ بلوچوں کی بازیابی کے لئے کام کرنے والی تنظیم وائس فار بلوچ مِسنگ پرسنز بھی ایک دہائی سے سراپا احتجاج ہیں۔
