کراچی سے متصل بلوچستان کے صنعتی شہر حب سے آمدہ اطلاعات کے مطابق پاکستان قومی اتحاد نامی غیر معروف تنظیم کے چیئرمین اور شفیع گلوکوز کمپنی کے ٹھیکیدار رضا خان خٹک کو گذشتہ روز نامعلوم افراد نے اغواء کرکے لاپتہ کردیا ہے –
ذرائع کے مطابق انہیں حب چوکی کے صعنتی اور اہم سیکورٹی زون سے اغوا کرلیا گیا ہے –
رضا خان کی لاپتہ ہونے کے خلاف علاقہ مکینوں کی بڑی تعداد نے کمپنی انتظامیہ کے خلاف احتجاجی مظاہرے کرتے ہوئے کہا کہ رضا خان کو کمپنی گیٹ کے سامنے سے اغواء کیا گیا ہے –
تاہم ابتک انتظامیہ اغواء ہونے والے ٹھیکیدار کا سراغ لگانے میں ناکام ہے اور اغواء کی وجوہات کا بھی معلوم نہیں ہوسکے ہیں –
